Shembet pallati 12 katësh në Durrës

17:43 | 3 Tetor 2020
A. B.

Specialistët EOD të Batalionit të Xhenios në Komandën Mbështetëse në bashkëpunim me Inspektoratin Kombëtar të Mjedisit dhe Territorit (IKMT) bënë të mundur shembjen e pallatit 12 katësh, në lagjen nr 17 të Bashkisë Durrës, të dëmtuar nga tërmeti i Nëntorit të vitit të kaluar.

Sipas një njoftimi nga Ministria e Mbrojtjes, ky është konsideruar një nga operacionet me të vështira deri tani, pasi u desh një punë voluminoze për hapjen e mbi 3000 furnelave nga ekspertët e batalionit të xhenios.

Procesi, thotë Ministria, ka filluar që në muajin Korrik 2020 dhe u finalizua pasditen e kësaj të shtune. Për realizimin e këtij operacioni u përdor një sasi e konsiderueshme lënde plasëse, mjete transporti dhe 39 specialistë të batalionit të Xhenios. Gjatë operacionit nuk pati probleme./tvklan.al

Shpërndaje në rrjete sociale

Lajmet më të lexuara

Të ngjashme

Foto lajm